“Ýeni Şafak” gazeti “Daşary işler ministrligi: Käbir ýurtlaryň UNRWA kömek bermegi bez etmegine alada bildirýäris” söz başyly habarynda, Daşary işler mninistrliginiň düýn beren beýannamasynda BMG-niň Ýakyn Gündogardaky palestinaly bosgunlara kömek we abadanlaşdyryş gullugyna (UNRWA) berilýän kömekleriň bes edilmegine alada bildirilýändigini habar berendigini ýazýar.
Beýannamada UNRWA-nyň käbir işgärleri bilen bagly aýyplamalar sebäpli gurama berilýän kömegiň bes edilmeginiň “ilkinji nobatdaky palestinalylara” zyýan ýetirjekdigi nygtaldy.
“Hürriýet” gazeti “Ministr Kajyr: “Türk ylmy barlag bazasy üçin taýýarlyklar dowam edýär” söz başyly habarynda, Senagat we tehnologiýalar ministri Mehmet Fatih Kajyryň 8-nji Halkara Antarktika ylmy saparyna gatnaşmak üçin alymlar we ylmy-barlagçylaryň düýn Stambulda ugrandygyny habar berendigini mälim edýär. Ministr Kajyr Antarktikada açyljak Türk ylmy barlag bazasy üçin sebitdäki taýýarlyklaryň dowam edýändigini beýan etdi.
“Sabah” gazeti “BARKAN-yň 1000 kilometrlik üstünligi” söz başyly habarynda, türk goranyş senagatynyň çäginde öndürilen sürüjisi gury ýer ulagy “BARKAN-yň” garly we laýly ýollarda 1000 kilometrlik aralygy geçip, uly üstünlik gazanandygyny ýazýar. “BARKAN” eýe bolan özbolyşlyklary bilen howpsuzlyk güýçlerine garşy assimteriki wehimleriň ortadan aýrylmagynyň ýany bilen agyr ýer we howa şertlerinde uly ýeňillik döreder.
“Haber Türk” gazeti “Arda Güler: Dowamy bolar” söz başyly habarynda, İspaniýanyň 1-nji futbol ligasynda Real Madrid komandasynda oýnaýan türk milli futbolçysy Arda Güleriň ligada ilkinji bäsleşigine çykandygyny okyjy köpçüliginiň dykgatyna ýetirýär. Milli türgen Arda Güler: Dowamy bolar” diýdi.