“Hürriýet” gazeti, “Prezident Erdoganyň F-16 hakyndaky beýannamasy” söz başyly habarynda, Prezident Erdoganyň, Prezidentiň Kompleksinde geçirlen Ministrler kabinetiniň mejlisinden soň beýannama berendigini ýazýar.
Erdogan, ABŞ bilen geçirlen gepleşiklerde Türkiýäniň F-16 harby uçarlar baradaky talabyna oňyn jogap berilmegine kanagatlanma bildirýändiklerini aýtdy.
“Star” gazeti, “Türkiýe, Ysraýylyň Refah şäherine guraýan hüjümlerine reaksiýa bildirdi” söz başyly habarynda, Daşary işler ministrliginden berlen beýannamada, “Ysraýylyň, Gaza Sektorynda şu günki güne çenli eden gyrgynçylygyndan soň, günortada ýerleşýän Refah şäherine guraýan hüjümleriniň artmagyna alada bildirýäris. Bu aksiýany, Gazanyň halkyny öz topraklaryndan çetleşdirmek meýilnamasynyň bir bölegi hökmünde görýäris” diýlendigini nygtaýar.
“Haber Türk” gazeti, “Alper Gezerawjy ýurda dolandy” söz başyly habarynda, Türkiýäniň ilkinji astronawty Alper Gezerawjynyň uçarynyň düýn Ankara Esenboga howa menziline goýandygyny mälim edýär. Türkiýäniň ilkinji astronawty Alper Gezerawjy Prezident R. T. Erdogan tarapyndan kabul edildi.
“Watan” gazeti, “Uraloglu: Uçarmansyz howa ulaglarymyza Türksat hemralary arkaly gözegçilik ediler” söz başyly habarynda, Ulaglar we infstruktura ministri Abdulkadir Uralgolunyň, Türkiýäniň milli uçarmansyz howa ulaglarynyň başda durmagynda ähli uçarmansyz howa ulaglaryna Türksat emeli hemralary arkaly gözegçilik ediljekdigi hakyndaky sözlerine ýer berýär.
“Sabah” gazeti, “Işsizleriň sany aşaklady” söz başyly habarynda, Türkiýäniň Hasabat guramasynyň görkezijilerine görä, dekabr aýynda işsizleriň sanynyň 8,8 göterime çenli aşaklandygyny ýazýar.