Türkmenistanyň suwda ýüzmek boýunça milli ýygyndysynyň wekilleri Tailandyň Bangkok şäherinde geçirilen Aziýanyň açyk çempionatyny 19 medal bilen tamamladylar.
Orientiň habar berşi ýaly, türkmen türgenleriniň gazanan medallarynyň 12-si altyn, 6-sy kümüş, biri bolsa bürünç medaldyr.
Gazanylan uly üstünlikde Merdan Ataýew, Musa Jalaýew, Anastasiýa Morgenştern, Aýnur Primowa, Dawid Akopýan ýaly türgenleriň aýratyn uly paýy bar.
Aziýanyň açyk çempionatyna yklymyň 12 döwletiniň iň gowy suwda ýüzüjileri gatnaşdylar.