Türkmenistan gazetiniň habar bermegine görä, 29-njy martda Arkadag şäherinde hormatly Prezidentimiz Serdar Berdimuhamedowyň Änew — müňýyllyklardan gözbaş alýan medeniýet atly kitabynyň tanyşdyrylyş dabarasy boldy.Döwlet Baştutanymyzyň bu eseri gadymy Änew şäheriniň 2024-nji ýylda Türki dünýäsiniň medeni paýtagty diýlip yglan edilmegine bagyşlanýar.
TÜRKSOÝ-nyň hemişelik geňeşiniň mejlisinde kabul edilen bu çözgüt Watanymyzyň belent halkara abraýa eýediginiň, türkmen halkynyň umumadamzat medeniýetiniň ösüşine goşan uly goşandynyň bütin dünýäde ykrar edilýändiginiň güwäsidir.