Futbol oýnunyň iň abraýly bäsleşigi bolan UEFA Çempionlar Ligasynyň finaly başga yklymlarda oýnalmagy mümkin.Bu barada UEFA-nyň prezidenti Aleksander Çeferin gürrüň berýär. Çempionlar ligasynyň final oýunlary şu wagta çenli diňe Ýewropada oýnaldy.
Iňlisleriň “The Sun” gazetiniň Çeferine salgylanyp habar bermegine görä, 2025-nji ýyldaky finalyň Nýu Ýorkdaky “MetLife” stadionynda geçirilmegi mümkin. Çeferin: “Mysal üçin Portugaliýadan Azerbaýjana gitmek bilen Nýu Ýorka gitmegiň o diýen köp tapawudy ýok.
Janköýerler üçin ikisi-de mesele däl” diýip, belleýär. 2010-njy ýylda açylan 82 müň tomaşaçy orunlyk “MetLife” stadionynda NFL-iň “Nýu Ýork Jaýnts” hem-de “Nýu Ýork Jets” amerikan futboly toparlary öz duşuşyklaryny geçirýär.
Ýeri gelende aýtsak, köp wagtdan bäri milli Super Kubogy duşuşyklary mahal-mahal başga ýurtlarda oýnalýar.
The post UEFA Çempionlar ligasynyň finaly Nýu Ýorkda oýnalmagy mümkin appeared first on Zaman Türkmenistan.