Ukrainanyň, Russiýa degişli “Şahed” kysymly 41 sany uçarmansyz howa ulagyny hatardan çykarandygy, 1 sany hem Su-24M kysymly uçaryny urup düşürendigi habar berildi.
Ukrainanyň howa güýçleri serkerdeliginden berlen beýannamada, düýn gije rus goşunynyň, Krymdan we Russiýanyň Kursk sebitinde uçarmansyz howa ulaglary bilen hüjüm gurandygy nygtaldy.
Beýannamada, Russiýanyň hüjümlerinde 48 sany uçarmansyz howa ulagyny ulanandygy, Ukrainanyň howa güýçleriniň hem uçarmansyz howa ulagynlaryndan 41 sanysyny hatardan çykarandygy bellenildi.
Ukrainanyň Howa güýçleriniň serkerdesi Nikolaý Olesçuk, sosial mediadan beren habarnamasynda, düýn Gara deňizde Russiýa degişli Su-24M uçaryny urup düşürendiklerini ýatlatdy.
Ukrainanyň döwlet Ýolbaşçysy Wladimir Zelenskiý, sosial mediadan beren habarnamasynda, rus uçaryny urup düşüren howa güýçleri serkerdeligine sagbolsun aýtdy.