ÝÇL-iň 1/8 final tapgyryndan orun alan ýene iki jübütde deslapky oýunlar geçirildi. Olaryň biri myhmanlaryň, beýlekisi bolsa ýer eýeleriniň peýdasyna tamamlandy.
Möwsümde garaşylmadyk ýagdaýda pleý-off tapgyryna ýollanma alan Brýugge öz öýünde Benfikadan 0:2 hasabynda asgyn geldi. Myhmanlara ýeňiş getiren gollary Joau Mariu (51, penalti) we Dawid Neres (88) derwezä ýollady.
Günüň beýleki gapma-garşylygynda Borussiýa (Dortmund) Çelsini kabul edip, Kerim Adeýeminiň 63-nji minutda uran ýeke-täk goly bilen minimal hasapda ýeňiş gazandy.
Bu jübütleriň arasyndaky jogap oýunlary 7-nji martdan 8-ne geçilen gijede oýnalar.