Ýedi halkara guramasy sionist basyp alyjy režiminiň liderlerine Gazada uruş jenaýatlaryny edendikleri üçin Halkara Adalat Sudy tarapyndan berlen tussag etmek baradaky orderleriň ýerine ýetirilişiniň çaltlaşdyrylmagyna çagyrdylar.
Beýanatda ýedi halkara guramasy sionist režimine garşy berlen şikaýatyň çäginde Halkara Adalat Sudy tarapyndan yglan edilen çäreleri goldaýandyklaryny aýdyp, palestinalylaryň açlyk çekmegi we adamzada garşy beýleki jenaýatlar, şol sanda adamzada garşy adam öldürmek, gynamak we adamkärçiliksiz çemeleşmeler bilen baglanyşykly tussag etmek baradaky orderleriň ýerine ýetirilmeginiň zerur we gyssaglydygyny nygtadylar.
Ýedi halkara guramasynyň beýanatynda basyp alyş doly bes edilmezden we onuň liderleriniň sud edilmeginden uzak möhletli parahatçylygyň mümkin däldigi aýdylýar.
Bu beýannama gol çeken guramalar şulardan ybarat: Al-Karama Adam Hukuklary Instituty (Ženewa), Gynang Pidalarynyň Jemgyýeti (Ženewa), Al-Şahab Adam Hukuklary Merkezi (London), Azatlyk Sesi (Pariž), Efdi Halkara (Belgiýa), Al-Adala Adam Hukuklary Gaznasy (Stambul) we Ylalaşyk Adam Hukuklary Guramasy (Ženewa).