Saud Arabystanynyň resmi habarlar agentlgi SPA-nyň berýän habaryna görä, koalisiýa güýçleri Marib welaýatynyň günbataryndaky Al-Kesara we Al-Jewbe sebitlerine soňky 72 sagatda 88 aýry operasiýa gurady.
Operasiýalaryň netijesinde 264-den gowrak Husi söweşiniň täsirsiz ýagdaýa getirilendigi we 36 harby ulagyň hatardan çykarylandygy mälim edildi.
Husileriň Harby metbugat sekretary Ýahýa as-Seri bolsa metbugat ýygnagynda beren beýanatynda, Husileriň 550-den gowrak adamy öldürendigini, 1200 adamy ýaralandygyny we 90 adamy zamun alandygyny habar berdi.
Seri: "Şebwe we Marib welaýatlarynda Ýeňiş Bahary operasiýasynyň çäginde 3 müň 200 ind kilometrlik ýer saplandy" diýip aýan etdi.
Ýemendäki Eýran tarapyndan goldanýan Husiler, 2014-nji ýylyň sentýabr aýyndan bäri ýurdyň paýtagty Sana şäheri bilen käbir beýleki ýerleri özüniň gözegçiligi astynda saklaýar.
Saud Arabystanynyň ýolbaşçylygyndaky koalisiýa güýçleri bolsa 2015-nji ýylyň mart aýyndan bäri Husilere garşy Ýemeniň hökümetine goldaw berýär.
Ýemende 7 ýyl bäri dowam edýän çaknyşyklarda 233 müň adam ýogaldy. BMG tarapyndan berilýän maglumata görä takmynan 30 million ilatly Ýemende 22 milliondan gowrak adam azyk önümlerine we goraga mätäçlik duýar.