Tel-Awiw duşenbe gününden bäri Liwana 2 müňden gowrak bombanyň atylandygyny habar berdi.
Ysraýylyň goşuny düýn agşam Beýrut şäheriniň günortasyndaky Hizbullahyň güýçli bolan Dahiýe sebitinde bir binany nyşana aldy. Ady agzalan hüjüm bilen Ysraýyl bir hepdäniň dowamynda Beýruda 3-nji gezek hüjüm gurandygy boldy.
Ysraýylyň goşunyndan berilen beýanatda, Dahiýe sebitine guralan hüjümlerde Hizbullahyň raketa ulgamlarynyň başyndaky Ibrahim Muhammed Kubeýsiniň öldürilendigi öňe sürüldi. Ysraýylyň goşuny Hizbullahyň Liwandaky ýerlerine garşy giň gerimli hüjümleriň guralandygyny habar berdi.
Liwanyň saglygy goraýyş ministrligi tarapyndan berilen ýazmaça beýanatda, Beýrutda düýn guralan howa hüjüminde ilkinji kesgitlemelere görä 5 adamyň ýogalandygy, 15 adamyň hem ýaralanandygy mälim edildi.