Palestinanyň Prezidenti Mahmud Abbas, BMG-na, Ysraýylyň 7-nji oktýabrdan bäri Gaza Sektoryna guraýan hüjümleriniň bes edilmegi üçin halkara derejesinde edilýän tagallalaryň depgininiň güýçlendirilmegi barada çagyryş berdi.
Palestinanyň resmi habarlar gullugy “WAFA”-nyň berýän habaryna görä, Mahmud Abbas, Ysraýylyň basyp alyşlygy astyndaky Günbatar Şerianyň Ramallah şäherinde BMG-nyň Ýakyn Gündogar Parahatçylyk etabynyň utgaşdyryjysy Tor Wenneslandy kabul etdi.
Kabul edilşikde BMG-nyň Baş sekretary Antoniu Guterreşe ýüzlenen Abbas, Ysraýylyň Gazada Palestinanyň halkyna garşy guraýan hüjümleriniň bes edilmegini, Ysraýylyň howpsuzlyk güýçleriniň dolulygyna Gazadan çekilmegini we Ysraýylyň Gazadaky basyp alyşlygynyň bes edilmegini isledi.
Guterreşden Ysraýylyň 7-nji oktýabrdan bäri Gaza guraýan hüjümleriniň bes edilmegi üçin BMG-nyň edýän tagallalarynyň güýçlendirilmegini talap eden Abbas, “Gazada şertleri gün saýyn agyrlaşýan halka gyssagly ynsanperwer kömeginiň berilmegi üçin çagyryş berdi.