Palestinanyň Prezidenti Mahmud Abbas, Gazada başdan geçirilýän wakalardan, Ysraýylyň hökümetiniň hüjüm ediji syýasaty bilen oňa goldaw berýän ýurtlaryň jogapkärdigini aýtdy.
Abbas, basyp alyşlyk astyndaky Ramallah şäherinde Fransiýanyň Prezidenti Emmanuel Makron bilen duşuşdy.
Makron bilen Abbas duşuşykdan soň metbugata beýannama berdi.
Abbas, Palestinada başdan geçirilýän wakalardan Ysraýylyň we Ysraýyla goldaw berýän ýurtlaryň jogapkärdigine ünsi çekdi.
Abbas, hüjümleriň bes edilmegini, howpsuzlyk koridorynyň açylmagyny, agyz suwy, elektrik togy we ýangyç kömeginiň berilmegini talap edýändiklerini nygtap, palestinalylaryň topraklaryndan we öýlerinden alynyp başga ýere göçürilmegine garşydyklaryny ýatlatdy.
BMG-nyň Howpsuzlyk geňeşiniň agzalaryna we fransuz kärdeşine, Ysraýylyň hüjümleriniň gyssagly bes edilmegi we halkara parahatçylyk konferensiýasynyň geçirilmegi we syýasy çözgüde geçiş üçin çagyryş beren Mahmud Abbas, “Gaza sektory, basylyp alynan ýerleriň bir bölegidir. Gaza meselesinde bölekleýin çözgüdi asla kabul etmeris. Mesele giň gerimli ýagdaýda syýasy taýdan çözülmeli” diýdi.
Terroryň asla mamla bolup bilmejekdigini nygtan Makron hem, Palestinanyň halkyna we Hamasyň başladan hüjümden soň ýoğalanlar üçin gynanç bildirdi.