Ýemendäki Eýran tarapyndan goldanýan Husiler, ABŞ bilen Britaniýanyň, ýurduň Sada we Hudeýde şäherlerine 15 howa hüjümini gurandygyny habar berdi.
Husileriň Al Mesire teleýaýlymynyň berýän habaryna görä, ABŞ bilen Britaniýa degişli harby uçarlar, Ýemeniň demirgazygynda ýerleşýän Sada we günbatarynda ýerleşýän Hudeýde şäherlerini nyşana aldy.
Habarda, harby uçarlaryň Hudeýdä 11, Sada şäherine hem 4 hüjüm gurandygy nygtaldy.
Habarda hüjümlerde adam pidasynyň çekilip çekilmändigi barada bolsa maglumat berilmedi.
Eýran tarapyndan goldanýan Ýemendäki Husiler, Ysraýylyň Gaza guraýan hüjümlerine garşy 31-nji dekabrda Ýemeniň suw giňişliginde Ysraýyla degişli söwda gämilerine hüjüm guramaga başlapdy.
ABŞ şol günden bäri birnäçe hezek Ýemenden atylan raketalary hatardan çykarandygyny habar berdi.