Kolumbiýa uniwersiteti Amerikanyň iň gymmat ýokary okuw mekdepleriniň sanawynda birinji orny eýeledi. Bu ýerde 4 ýyllyk okuwyň bahasy 514 müň dollara barabar. CNBC web saýtynyň maglumatlaryna görä, amerikan uniwersitetlerinde okuwyň bahasy soňky 60 ýylda üç esse ýokarlanyp, ýylda ortaça 17,7 müň dollara ýetdi. Ýöne iň abraýly okuw edaralarynda bahalar has ýokarydyr.
Bakalawr derejesini almak bilen dört ýyllyk okuwyň bahasy boýunça ilkinji onluga şular girýär:
Kolumbiýa uniwersiteti Nýu-Ýork. (514,442 müň dollar)
Nýu-Ýork uniwersiteti Nýu-Ýork. (497,402 müň dollar)
Jorjtaun uniwersiteti Waşington, DS (472,817 müň)
Garward uniwersiteti Kembrij, Massaçusets. (472, 027 müň dollar)
Kaliforniýa tehnologiýa instituty Pasadena, Kaliforniýa. (458,330 müň dollar)
Günorta Kaliforniýa uniwersiteti Los -Anjeles (457,650 müň dollar)
Çikago uniwersiteti Çikago (455,257 müň dollar)
Jorj Waşington uniwersiteti Waşington DS. (454,377 müň dollar)
Ýel uniwersiteti – Täze Haven, Konnektikut (451,516 müň dollar)
Massaçusets tehnologiýa instituty – Kembrij, Massaçusets (441,948 müň dollar)
Bu mukdar bilim hyzmatlaryny, kampusda ýaşaýşy, iýmiti we beýleki tölegleri öz içine alýar. Şeýle-de bolsa, hakykatda talyplaryň çykdajylary mundan hem ýokarydyr.