Ýurdumyzyň wise-çempiony “Ahal” AFK-nyň Kubogy ýaryşynyň 1-nji saýlama tapgyrynda Gyrgyz Respublikasynyň “Alaý” topary bilen duşuşar.Iki toparyň arasyndaky 1-nji oýun 20-nji fewralda Gyrgyz Respublikasynyň Oş şäheriniň A.
Suýumbaýew adyndaky stadionynda geçiriler.Omanly Omar Al-Ýakubynyň eminlik etjek oýny Aşgabat wagty bilen 13:00-da başlanar.Iki topar geçen möwsümde toparçalarda duşuşypdy. Şonda ildeşlerimiz Aşgabatda 50, myhmançylykda-da 32 hasabynda ýeňiş gazanypdy.
Jogap duşuşygy-da 27-nji fewralda paýtagtymyzda oýnalar.Bu duşuşykda bolsa, Saud Arabystanyndan Mohammed Al-Hoiş eminlik eder.Iki duşuşygyň netijesi boýunça ýeňiş gazanan topar pleý-off tapgyrynda Täjigistanyň “Hujand” topary bilen toparçalarda çykyş etmek üçin güýç synanyşar.
Bu oýunlar 6-njy martda 1-nji tapgyrda ýeňiş gazanan toparyň meýdançasynda, 13-nji martda-da Täjigistanda oýnalar.Netijede, pleý-offuň ýeňijisi “D” toparçada çykyş etmäge hukuk gazanar.
Bu toparçada bolsa, ýurdumyzyň çempiony, AFK Kubogy 2018-iň finalçysy “Altyn asyr”, Gyrgyz Respublikasynyň çempiony “Dordoý” hem-de Täjigistanyň çempiony “Istiklol” toparlary bar. Şu ýerde “Istiklolyň” AFK Çempionlar ligasynyň 2-nji saýlama tapgyryna gatnaşandygyny hem belläp geçeliň.
Täjik topary AFK Çempionlar ligasynyň 2-nji saýlama tapgyrynda Özbegistanyň AGMK topary (ozalky “Almalyk”) bilen duşuşyp, 42 hasabynda ýeňildi. “D” toparçanyň duşuşyklaryna 3-nji aprelde badalga berler.