“Awatar” ýene-de kino taryhynda iň köp girdeji gazanan film boldy. Anna güni Jeýms Kemeronyň filmi Hytaýda gaýtadan prokata çykdy we şenbe güni agşam 8,9 million dollar gazanyp, dünýädäki umumy girdejisini 2,798,579,794 dollara ýetirdi. Bu barada kinopoisk.ru habar berdi.
Ozal bu rekord "Ar alyjylar" filminiň dördünji bölümine degişlidi. 2019-njy ýylda "Marvel"-iň blokbasteri dünýäde 2,797,501,328 dollar gazandy. "Deadline" “Awatar”-yň şu ýyl hepdäniň ahyrynda Hytaý prokatynda sanawyň başyny çeken ilkinji daşary ýurt filmi bolandygyny habar berdi.
Umuman alanyňda, gaýtadan goýberilen reliz "Disneýe" 58 million dollar töweregi girdeji getirip biler.Kameron häzirki wagtda dört sikwel meýilleşdirýär: “Awatar 2” 2022-nji ýylda, “Awatar 3” 2024-nji ýylda, “Awatar 4” 2026-njy ýylda, “Awatar 5” 2028-nji ýylda çykar.