Geljek hepdäniň penşenbe güni, has takygy, 24-nji sentýabrdan 25-nji sentýabra geçilýän gijede UEFA Super Cup duşuşygy oýnalar. 45-nji gezek geçiriljek bu duşuşykda UEFA Çempionlar ligasynyň ýeňijisi Bawariýa bilen UEFA Ýewropa ligasynyň ýeňijisi Sewilýa toparlary özara duşuşarlar.
Wengriýanyň paýtagty Budapeştdäki Puşkaş Arenada oýnaljak oýun Aşgabat wagty bilen 00:00-da başlanar.Duşuşyga angliýaly Entoni Teýlor eminlik eder.Iki topar 3-nji gezek duşuşar.Mundan ozal olar UEFA Çempionlar ligasynyň 2017-2018 möwsüminde çärýek finalda duşuşypdylar.
Bawariýa myhmançylykda 2-1 ýeňiş gazanypdy.Jogap duşuşygy bolsa golsuz deňlikde tamamlanypdy.Iki topar hem şu wagta çenli diňe 1 gezek bu arzyly kubogy gazandylar.Sewilýa 2006-njy, Bawariýa 2013-nji ýylda kubogy eýeläpdi. Şeýle-de Sewilýa 4 (2007, 2014, 2015, 2016), Bawariýa 3 (1975, 1976, 2001) gezek bu duşuşykda ýeňlişe sezewar bolupdy.