Italiýanyň öňki hökümet başlygy Silwio Berluskoni gyssagly hassahana eltildi diýip, ýurduň La Stampa gazetine salgylanýan Interfax.ru ýazýar.
Gazetiň ýazmagyna görä, syýasatçy ýürek-damar ulgamynyň we dem alyş ýetmezçiligi sebäpli hassahana düşdi.
Häzir 86 ýaşly Berluskoni Milanyň San-Rafaele hassahanasynda bejergi alýar. Soňky ýyllarda öňki premýer-ministriň saglyk ýagdaýynyň ýaramazlaşandygy habarda bellenýär.
Berluskoni ýurduň Öňe, Italiýa! partiýasynyň başlygydyr. Partiýa Italiýada dolandyryjy sagçymerkezçi koalisiýanyň düzümine girýär.