Formula 1 boýunça möwsümiň 20-nji, başgaça aýdylanda, jemleýji bäsleşigi BAE-de geçirilip, Abu Dabi “Gran Prisinde” “Mersedes” toparynyň fin sürüjisi Waltteri Bottas ýeňiş gazandy. “Ýas Marina” trassasyndaky ýaryşa ilkinji hatardan başlan Bottas 55 aýlawy 1 sagat 34 minut 14,062 sekuntda tamamlady.
Bu onuň şu ýylky hem-de karýerasyndaky 3-nji ýeňşidir.Ondan 3,899 sekunt yza galan britaniýaly topardaşy, çempion Lewis Hamilton 2-nji, “Ferrariden” germaniýaly Sebastian Wettel 19,330 sekuntlyk az netije bilen 3-nji ýeri eýeledi. Ýaryşda 10-njy ýeri eýelän braziliýaly Felipe Massa (“Williams”) iň soňky gezek bäsleşip, ol 16 ýyllyk F1 karýerasyny jemledi. Şeýlelikde, çempion Hamilton möwsümi 363 utuk bilen tamamlady. 2-nji ýerdäki Wettel 317 utuk toplady. 305 utuk ýygnan Waltteri Bottas 3-nji ýeri eýeledi. 45-nji orunlary paýlaşan Kimi Raikkonen bilen Daniel Rikkiardo degişlilikde, 205 we 200 utuk toplady.
Toparlaryň arasynda yzly-yzyna hem-de umumylykda 4-nji çempionlygyny eýelän “Mersedes” 668 utuk ýygnady. 2008-nji ýyldan bäri çempionlyga ýetip bilmeýän 2-nji hatardaky “Ferrariniň” 522 hem-de 3-nji orundaky “Red Bulluň” 368 utugy bar.