Britaniýa täze hüjüm ähtimallygyna garşy gözegçilik dronlary üçin Ukraina 7,5 million sterlinlik goşmaça kömek berjekdigini mälim etdi.
Britaniýanyň Goranmak ministri Jon Hili, Russiýa-Ukraina söweşiniň 1000-nji gününde Britaniýanyň parlamentinde çykyş etdi.
Hili, Ukraina goldaw bermek we Russiýanyň Prezidenti Wladimir Putiniň ýeňiş gazanmazlygy üçin hyzmatdaşlaryň birlikde hereket etmelidigini nygtady.
Ministr Hili, täze hüjüm ähtimallygyna garşy gözegçilik dronlary üçin Ukraina goşmaça kömek berjekdiklerine ünsi çekdi.
Britaniýanyň Goranmak ministri Jon Hili ýurdunyň we Latwiýanyň öňbaşçylyk etmeginde Ukraina uçarmansyz howa ulaglarynyň beriljekdigini ýatlatdy.
Britaniýanyň Goranmak ministrliginden berlen ýazmaça beýannamada hem Ukraina 7,5 million sterlinlik goşmaça harby kömegiň beriljekdigi mälim edildi.
Beýannamada, şol harby kömegiň Russiýa garşy Ukrainanyň ýaragly güýçleriniň harby ukubyna uly goşant goşjakdygy ýatladyldy.