Dünýä çempionatynyň rekordlary
Dünýä çempionatlaryna iň köp gatnaşan eminler:3 çempionat — Jon Langenus (Belgiýa) 1930, 1934, 1938; Iwan Eklind (Şwesiýa) 1934, 1938, 1950; Benžamin Griffits (Uels) 1950, 1954, 1958; Artur Ellis (Angliýa) 1950, 1954, 1958; Huan Gardeazabal (Ispaniýa) 1958, 1962, 1966; Jamal Al Şarif (Siriýa) 1986, 1990, 1994; Žoel Kinýu (Fransiýa) 1986, 1990, 1994; Ali Mohamed Bujsaim (BAE) 1994, 2000, 2002; Oskar Ruiz (Kolumbiýa) 2002, 2006, 2010; Karlos Eujenio Simon (Braziliýa) 2002, 2006, 2010; Marko Rodriges (Meksika) 2006, 2010, 2014; Rawşan Irmatow (Özbegistan) 2010, 2014, 2018; Hoel Agilar (Salwador) 2010, 2014, 2018.
Dünýä çempionatlarynda iň köp duşuşykda jürlewük çalan emin: 9 duşuşyk — Rawşan Irmatow (Özbegistan) 2010, 2014.Bir Dünýä çempionatynda iň köp duşuşykda jürlewük çalan eminler: 5 duşuşyk — Benito Arçundia (Meksika) 2006; Horasio Elizondo (Argentina) 2006; Rawşan Irmatow (Özbegistan) 2010.Dünýä çempionatlarynda eminlik eden iň ýaş emin:24 ýaş, 193 gün — Huan Gardeazabal (Ispaniýa) 1958.
Dünýä çempionatlarynda eminlik eden iň ýaşuly emin:53 ýaş, 236 gün — Jorj Rider (Angliýa) 1950.
Her oýun üçin 2500 ýewro alarlar
Fransiýanyň öňdebaryjy gazetlerinden “L’Eqiupe” ýene 54 günden başlajak 21-nji Dünýä Kubogynda jürlewük çaljak eminleriň näçeräk hak aljakdygyny habar berdi. Çempionata gatnaşýandyklary üçin 1-nji derejedäki Feliks Bryh, Jüneýt Çakyr, Nestor Pitana ýaly baş eminlere 57 müň 500 ýewro (70 müň dollar töweregi), kömekçi eminlere-de 20 müň ýewro berilse, olara eminlik eden her oýunlary üçinem aýratyn töleg tölener. Ýagny baş eminler eminlik eden her duşuşygy üçin 2500 ýewro, kömekçi eminler bolsa 1600 ýewro alar.
Mälim bolşy ýaly, Russiýa 2018-e FIFA tarapyndan 36 baş emin, 63 kömekçi emin çagyrylypdy. Şeýle-de 80 ýyldan soň, ýagny, Fransiýa 1938 Dünýä Kubogyndan bäri ilkinji gezek iňlis eminleri Dünýä çempionatynda çykyş etmez.
“Hamburg” bu gezek başararmyka?
1963-nji ýylda döredilen “Bundesliganyň” ähli möwsüminde-de (54 möwsüm) çykyş eden ýeke-täk topar “Hamburg” bu derejesini ýitirmegiň bosagasynda dur. Ýeri gelende aýtsak, “Bawariýa” topary-da ýeke gezegem aşaky liga düşmedi, ýöne olar ilkinji möwsüme gatnaşmandy. 30-njy tapgyrda “Hoffenhaýmdan” 20 (Gnabri 18, Salai 27) hasabynda utulan “Hamburg” häzirki wagtda 4 tapgyr galanda, 22 utuk bilen 17-nji hatarda barýar. “Bundesliganyň” 6, Çempionlar ligasynyň-da 1 gezek çempionlygyny gazanan “Hamburg” topary soňky ýyllarda juda pes ýagdaýda çykyş edip gelýär.
Eýýäm birnäçe möwsümden bäri aşaky liga düşmegiň bosagasyndan gaýdan “Hamburg” 2015/16 möwsüminde çempionaty 10-njy bolup tamamlapdy. 2013/14, 2014/15 möwsümlerinde-de 16-njy ýeri eýeläp, pleý-offdan soň, ýokary ligada galypdy. “Bundesligadaky” çempionlygyny iň soňky sapar 1982/83 möwsüminde gazanan “hamburglylar” bu taryhy derejesini azyndan ýene bir ýyl dowam etdirmek isleýän bolsalar, onda olaryň galan 4 tapgyrda-da ýeňiş gazanmagy gerek. Ýöne “Hamburgyň” ligada galyp-galmajakdygyny, diňe bir özi hem kesgitlänok.
Kristian Titziň tälimçiligindäki toparyň 30 utukly garşydaşlary “Maýns”, “Fraýburg” hem-de “Wolfsburg” klublarynyň-da utuk ýitirmegi gerek.Başgaça aýdylanda, futbolda wagtal-wagtal peýda bolýan garaşylmadyk pursatlaryň, uly sýurprizleriň bu gezegem “Hamburg” üçin ýene bir ýola gaýtalanmagy zerur bolup durýar. Ýogsam, “Hamburg” ýarym asyrdan gowrak saklap gelýän bu abraýly derejesini ýitirer.
“Malaga” aşaky liga düşdi
Ispaniýanyň “La Ligasynda 33-nji tapgyrda oýnalan duşuşyklarda öňdebaryjy 4 toparam ýeňiş gazanyp bilmedi. “Barselona” myhmançylykda “Selta” bilen (22) “Real Madridem” öz meýdançasynda “Atletik Bilbao” bilen (11) deňme-deň oýnady. “Atletiko” myhmançylykda “Real Sosiedaddan” 30, “Walensiýa-da” öz meýdançasynda “Hetafeden” 21 utuldy. “Real Madrid” şu möwsümde öz meýdançasynda 7-nji gezek utuk ýitirdi (4 deňlik, 3 ýeňliş).
Umumylykda, “Real Madrid” şu möwsümde ähli duşuşyklary hasaba alanyňda, öz meýdançasynda 5 gezek utulyp, 7 saparam deňlikde oýnady.Bu görkezijiler madridlileriň 21-nji asyra geçip, öz meýdanlaryndaky iň pes netijesi diýlip hasaba alyndy. Şeýle-de “Lewanteden” E.
Boatengiň 90+3-nji minutdaky goly bilen 10 hasabynda utulan “Malaga” 2-nji liga düşdi.Ol Ýewropanyň “Top 5” ligasynda aşaky liga düşen ilkinji topar boldy.
6 ýyldan soň “Premier ligada”
Angliýanyň 2-nji ligasy “Championship”-de “Fulham” öz meýdançasynda soňky minutda toruna gol goýberip, “Brentford” bilen deňme-deň oýnady (11).Bu netijeden soň, möwsümiň tamamlanmagyna 3 tapgyr galanda, 1 oýny kem 92 utukly “Wolwerhempton” “Premier liga” çykmaga hukuk gazandy. 6 ýyldan soň, “Premier liga” dolanan “Wolwerhempton” soňky sapar ýokary ligada 201112 möwsüminde çykyş edipdi. 1877-nji ýylda döredilen topar 1953/54, 1957/58 hem-de 1958/59 möwsümlerinde Angliýanyň ýokary ligasynda çempion bolupdy.