Angliýanyň “Premier Ligasynda” çykyş etmäge hukuk gazanan 3-nji topar Londonyň wekili “Fulham” boldy.Ol “Championship”-iň pleý-off tapgyrynyň finalynda “Brentforddan” goşmaça wagtda 2-1 üstün çykdy.
Esasy wagty golsuz geçen oýunda londonlylaryň 2 goluny-da 105-nji we 117-nji minutlarda Jou Braýan derwezä girizdi. “Brentforduň” ýeke-täk goluny bolsa 120+4-nji minutda Henrik Dalsgaard öz adyna ýazdyrdy. Şunlukda, “Fulham” 1 ýyllyk arakesmeden soň, täzeden “Premier Liga” dolandy. “Fulhamdan” ozal, “Championship”-i 1-2-nji orunlarda tamamlan “Lids Ýunaýted” bilen “West Bromwiç Albion” toparlary “Premier Liga” çykypdy.