“Premier Liganyň” wekili “Tottenham” ispaniýaly çep gyraky goragçysy Serhio Regilony öz ýurduna ugratdy. 25 ýaşly oýunçy “Atletiko” bilen 1 ýyllyk kärendesine şertnama baglaşdy. “Real Madridiň” akademiýasyna futbola başlan Regilony möwsümiň ahyrynda “Atletiko” topary ymykly transfer hem edip biler. 2 möwsüm “Tottenhamda” oýnan Regilon ondan öň “Sewilýada” kärendesine çykyş edipdi.
* * *
Italiýanyň “Milan” kluby “Bundesliganyň” wekili “Şalkeniň” goragçysy Malik Tiawy transfer etdi. Italýan kluby 21 ýaşly oýunçy üçin nemes klubuna 5 million ýewro we käbir goşmaça tölegler berer. “Milan” Germaniýanyň U21 düzüminde-de oýnaýan oýunçy bilen 5 ýyllyk şertnama baglaşdy. Tiaw geçen möwsümde 31 oýunda 2 gol geçirdi.
* * *
Italiýanyň “Roma” toparynyň 19 ýaşly hüjümçisi Feliks Afena-Gýan karýerasyny “Serie A”-nyň başga bir toparynda “Kremonezede” dowam eder. 26 ýyldan soň ýokary liga çykan klub Afena-Gýan bilen 5 ýyllyk kärendesine şertnama baglaşdy. “Roma” ganaly oýunçynyň transferinden 7 million ýewro alar. Afena-Gýan geçen möwsümde 22 oýunda 2 gol geçiripdi.
* * *
“Premier Liganyň” wekili “Çelsi” ýarymgoragçysy Kallum Hadson-Odoini “Baýer” toparyna kärendesine ugratdy. 21 ýaşly hawbek lewerkuzenliler bilen 1 ýyllyk şertnama baglaşdy. 2017-nji ýyldan bäri “Çelside” oýnap gelýän Hadson-Odoi londonlylaryň düzüminde 126 oýunda 16 gol geçirdi.