29-njy aprelden başlap Türkmenistandan Hytaýa gelýän ýolagçylara COVID-19 üçin hökmany PZR synagynyň ýerine antigen synagyny almaga rugsat berildi. Degişli bildiriş Hytaýyň Türkmenistandaky ilçihanasy tarapyndan resmi web sahypasynda ýerleşdirildi.
Düzgüne laýyklykda ýolagçy uçara münmezden 48 sagat öň synagdan geçirilmeli we synag netijelerini Hytaýyň gümrük programmasy ýa-da web sahypasy arkaly ýüklemeli. Mundan başga-da, syýahatçy saglyk beýannamasyny doldurmaly bolar we gelenden soň barlanylýan QR koduny alar. Ilçihananyň habaryna görä, awiakompaniýalara uçara münmezden ozal ýolagçynyň synag netijelerini barlamagyň zerurlygy ýok.
Düzgünler barada has giňişleýin maglumaty Hytaýyň Türkmenistandaky ilçihanasynyň web sahypasynda tapyp bilersiňiz.
Hytaýyň 2023-nji ýylyň mart aýynda daşary ýurtlylara syýahatçylyk wizasynyň berilmegini gaýtadan ýola goýandygyny ýatladýarys.
Hytaý we Türkmenistan iki awiakompaniýanyň göni uçuşlary bilen baglanyşýar. Türkmenistan awiakompaniýasy Aşgabatdan Pekine yzygiderli gatnawlary amala aşyrýar. Hytaýyň China Southern Airlines awiakompaniýasy hepdede bir gezek Urumçi (URC) — Aşgabat (ASB) — Urumçi (URC) ugurlary boýunça uçuşlary ýerine ýetirýär.
Şeýle-de okaň: