Dürli elektron enjamlary öndürýän “Sony” kompaniýasynyň iň geçginli harytlarynyň biri hem “PlayStation”-ler hasaplanýar.Ilkinji gezek 1994-nji ýylda satuwa çykarylan enjamyň häzirki wagtda 5-nji nesli müşderilere ýetirilýär. Ýapon kompaniýasy şu ýylyň birinji çärýeginde iki million “PlayStation 5” satypdyr.
Häzire çenli bolsa, bu enjamdan 19,3 milliony müşderilere ýetirilen eken.Degişli döwürde oýun enjamynyň ozalky nusgasy bolan “PlayStation 4”-den 100 müň sanysy satylypdyr. “PlayStation”-leriň ähli nusgasy hasaba alnanda, 117,2 milliony satylypdyr.
Degişli döwürde kompaniýa 70,5 million oýun satypdyr. Bu görkeziji geçen ýylyň degişli döwründen 9,1 million köp bolupdyr. Şeýle hem “PS Plus” hyzmatynyň 47,4 million abunaçysynyň bardygy mälim edildi.
Dürjemal Çaryýewa, Türkmen döwlet maliýe institutynyň talyby