Angliýanyň çempionaty “Premier Ligada” 30-njy tapgyryň galdyrylan iň esasy duşuşygynda “Liwerpul” öz meýdançasynda “Mançester Ýunaýtedi” kabul etdi.Duşuşykda ýer eýeleri 4-0 hasabynda ýeňiş gazandy. “Liwerpula” ýeňiş getiren gollary 5-nji minutda Luis Dias, 12-nji martdan bäri gol geçirip bilmeýän Mohamed Salah (22, 85) hem-de Sadio Mane geçirdi. Şeýlelikde, Ýurgen Kloppuň şägirtleri 4 günüň dowamynda Mançester şäheriniň 2 wekilinden hem üstün çykmagy başardy.
Möwsümiň 1-nji duşuşygynda-da “Liwerpul” güýçli bäsdeşini, köne garşydaşyny myhmançylykda 5-0 ýeňipdi.Iki oýnuň netijesi boýunça bir möwsümde “Mançester Ýunaýted” “Liwerpuldan” 9-0 asgyn geldi. “Mançester Ýunaýted” taryhynda 2-nji gezek bir topardan 2 oýnuň netijesi boýunça şeýle uly hasap bilen utulýar.
Mankunianlar mundan 129 ýyl ozal, 1892/93 möwsüminde “Sanderland” toparyndan 2 oýnuň netijesi boýunça 11:0 utulypdylar.