Angliýanyň Liwerpul futbol topary UEFA-nyň Çempionlar ligasynyň çärýek finalynyň ilkinji duşuşygynda Benfikany uly hasap bilen ýeňdi. Lissabon şäherinde geçirilen duşuşyk myhmanlaryň 3:1 hasabyndaky ýeňşi bilen tamamlandy.
Ýurgen Kloppyň şägirtleri birinji ýarymda ýer eýeleriniň derwezesinden iki pökgi geçirdiler: 17-nji minutda Ibraim Konate, 34-nji minutda Sadio Mane tapawutlandy.
Ikinji ýarymda ýer eýeleri Darwin Nunýesiň goly bilen bir gezek jogap berdiler (49-njy minut). Ýöne 87-nji minutda Liwerpul Luis Diasyň goly bilen ýeňşini has-da berkitdi. Indi 13-nji aprelde boljak jogap duşuşygynda olar has arkaýyn çykyş edip biler.