NASA "Gateway" Aý stansiýasynyň gurluşygy boýunça iki kosmos modulyny işe girizmek üçin potratçy hökmünde Ilon Maskyň “SpaceX”-ni saýlady. Bu barada ferra.ru habar berdi.
Agentligiň resmi web sahypasynda aýdylmagyna görä, şertnamanyň umumy bahasy 331,8 million dollara barabar boldy.Iki modulyň işe girizilmegi 2024-nji ýylyň maý aýyna meýilleşdirilýär.Muňa garamazdan, uçuşyň has-da gijikdirilmegi mümkin.
Häzirki wagtda daşaýjy raketa hökmünde ýük göterijiligi 64 tonna bolan “Falcon Heavy” saýlandy. Ýatlap geçsek, "Gateway" diýlip atlandyrylýan Aý stansiýasy Artemis programmasynyň bir bölegine öwrülipdi.Bu barada NASA 2019-njy ýylda mälim edipdi.
Programmanyň esasy maksady Aýyň üstüni öwrenmekden, şeýle hem alnan bilimleri geljekde Marsa uçuşlar üçin ulanmakdan ybarat bolup durýar.