Her ýyl ABŞ-da takmynan 4-5 million adam nika baglaşýar diýip, Habar 24 ýazýar. Olaryň ýarysy netijede nikanyň bozulmagy bilen tamamlanýar. Esasy sebäpleriň biri-de maliýe meseleleridir.
Iň köp aýrylyşýanlaryň ýurdy Maldiwler döwletidir, ýurt bu ugurda 2020-nji ýylda rekord goýdy diýip, World Population Review atly bütindünýä ilat ýazuwy edarasy habar berdi. Maldiwlerde her 1 müň adama bäş nikanyň bozulmagy degişlidir. Munuň sebäbi nikanyň mukaddesliginiň alga alynmaýanlygydyr, ýurtda nikany bozmak baglaşmak ýaly aňsat.
Belarusda hem soňky ýyllarda nika bozulmalaryň artýandygyndan ynjalyksyzlanýarlar. Mysal üçin, 2020-nji ýylda bu görkeziji tas 70 göterime golaýlady. Kazyýet tejribesi nikany bozmak babatda ýüz tutýanlaryň, esasan, aýallardygyny habar berýär.
Iň az aýrylyşýan raýatly ýurtlaryň başyny Şri-Lanka çekýär. Bu ýerde her 1müň adamyň 0,15 göterimi nikasyny bozýar. Onuň yzysüre Wýetnam we Gwatemala gelýär. Munuň sebäbi bagtly we berk maşgalalaryň köplügi bilen däl-de, aýrylyşmagy resmileşdirmegiň kyndygy bilen baglydyr.