Parižde geçirilýän XXXIII tomusky Olimpiýa oýunlarynda tennis boýunça erkekleriň arasynda ýekeleýin ýaryşda serbiýaly Nowak Jokowiç taryhy çempionlyk gazandy. 37 ýaşyndaky tennisçi finalda ispaniýaly Karlos Alkarasy 7:6 (7:3) we 7:6 (7:2) hasaplar bilen ýeňip, karýerasyndaky ýeke-täk ýetmeýän çempionlygy, Olimpiýa oýunlarynyň çempionlygyny baýram etdi. 37 ýaş bilen Olimpiýa oýunlarynda finala çykan we altyn medal gazanan iň ýaşuly tennisçi adyny alan 24 “Uly tuwalgany” eýesi Jokowiç 99-njy birinjiligini gazandy.
Pekin 2008-de bürünç medal eýelän Jokowiç tennisiň taryhynda “Altyn tuwalga” ýeten, ýagny ähli “Uly tuwalgalar” bilen bilelikde Olimpiýa çempionlygy gazanan 5-nji tennisçi hökmünde taryha girdi.Jokowiçden öň Andre Agassi, Şteffi Graf, Serena Williams hem-de Rafael Nadal 4 “Uly tuwalga” çempionlyklarynyň ýanyna Olimpiýa altyn medalyny hem goşupdylar.
Jokowiç Olimpiýa altyn medalyna 6-nji synanyşygyna ýetmegi başardy.
Olimpiýa oýunlarynda finala çykan iň ýaş tennisçi adyny alan Karlos Alkaras soňky 2 “Wimbledon” ýaryşynyň finalynda ýeňen garşydaşynda bu gezek asgyn geldi.
Pariž 2024-de bürünç medala italiýaly Lorenzo Muzetti mynasyp boldy.