Ispaniýanyň çempionaty “La Ligada” 6-njy tapgyrda Madrid derbisi oýnaldy. “Wanda Metropolitano” stadionynda oýnalan “Atletiko”“Real Madrid” duşuşygynda myhmanlar 2-1 hasabynda ýeňşini baýram etdi.Eýýäm 1-nji ýarymda 2-0 öňe saýlanan “Realyň” gollaryny 18-nji minutda Rodrigo bilen 36-njy minutda soňky duşuşyklaryň netijeli futbolçysy Federiko Walwerde geçirdi. 2-nji ýarymy has dartgynly we çekeleşikli geçen oýunda “Atletikonyň” ýeke-täk goluny 83-nji minutda Mario Hermosa öz adyna ýazdyrdy.
Ol 90+1-nji minutda gyzyl kart alyp, meýdançadan kowuldy. Şeýlelikde, “Real Madrid” 171-nji gezek oýnalan Madrid derbisinde “Atletikony” 91-nji gezek ýeňlişe sezewar etdi (“Atletikonyň” 40 ýeňşi bar, 40 duşuşyk hem deňlikde tamamlandy).
“Real Madrid” Madrid derbisinde soňky 10 duşuşykda “Atletikony” 6-njy gezek ýeňmegi başardy (3 deňlik, 1 ýeňliş).