Russiýanyň Daşary işler ministrliginiň metbugat geňeşçisi Mariýa Zaharowa: "Hamas bilen gazanylan ylalaşyga laýyklykda 29-njy noýabrda Gaza zolagynda ýesirlikde saklanan raýatlarymyz Ýelena Trufanowa we Irina Tatti azat edildi. Dowamly ýüzlenmelerimize oňyn jogap berendigi üçin Hamasa minnetdardyrys. Gaza zolagynda saklanýan beýleki raýatlarymyzyň hem iň gysga wagtda azat edilmekleri üçin işlerimizi dowam etdirýäris" diýip beýan etdi.
29-njy noýabrda Hamas rus raýaty bolan 2 ýesiriň azat edilendigini we Gyzyl ýarymaý jemgyýetine gowşurylandygyny habar beripdi.
Hamas 26-njy noýabrda Rin Kriwoý atly rus raýaty Ysraýyl we Palestinanyň arasyndaky ýesir ylalaşygyndan garaşsyz ýagdaýda azat edipdi, Zaharowa Hamasyň ädimini ýagşy niýetiň görkezijisi hökmünde häsýetlendiripdi.