Dünýä Kubogynyň eýesi, argentinaly super ýyldyz Lionel Messi täze kluby “Inter Maýamidäki” ilkinji goluny geçirdi. 36 ýaşyndaky oýunçy toparynyň “Leagues Cup” (ABŞ-nyň hem-de Meksikanyň klublarynyň özara bäsleşigi) ýaryşynyň çäginde geçirilen “Krus Asul” duşuşygynda soňky minutlarda ajaýyp goly öz adyna ýazdyrdy. 2-1 hasabynda ýeňiş gazanan “Inter Maýami” toparynyň gollaryny 44-nji minutda Teýlor hem-de 90+4-nji minutda jerime urgusyndan Lionel Messi derwezä girizdi.
Lionel Messi bilen Serhio Buskets oýnuň 54-nji minutynda meýdança girip, täze klublaryndaky ilkinji resmi duşuşygyny oýnadylar.