Duşenbe güni Gaagadaky Gollandiýanyň Parlamentiniň binasynda abatlaýyş işleri geçirilýärkä, Patyşa Wilgelm II heýkeliniň astyndan 99 ýyl ýaşy bolan wagt kapsulasy tapyldy diýip, AFP neşirine salgylanýan Report.az habar berdi.
Gabyň içinden gollandlaryň Napoleonyň goşunyna garşy söweşleri barada resminamalardyr kitaplar tapyldy, olaryň arasynda Waterloonyň eteginde 1815-nji ýylda bolan söweş barada fransuz dilinde ýazylan üç jiltlik kitap hem bar.
Kitabyň awtory ХХ asyryň başynda ýaşan meşhur golland generaly we harby taryhçysy Fransua de Bas bolup çykdy. Bu gymmatly maglumatlar barada taryhçylar öň bilmeýärdiler.
Şäheriň häkimi Ýan wan Zanen metbugat wekilleriniň gatnaşmagynda wagt gabyny dabaraly açyp, onuň içindäki resminamalarydyr kitaplary, hatlary görkezdi.