Ýurdumyzyň futbol çempionatynyň 20-nji tapgyrynda “Altyn asyr” öz meýdançasynda uly hasaply ýeňiş gazandy.Aragatnaşykçylar “Köpetdag” toparyny 51 hasabynda ýeňlişe sezewat etdi.Duşuşykda Mihail Titow 3 gol geçirip, toparynyň uly hasaply ýeňşine ynamly goşant goşdy.
Oýnuň 6-njy minutynda Titow hasaby açdy.Bu goldan 19 minut soň, myhmanlardan Baýramgeldi Gulmaýew hasaby deňledi. 8 oýunçynyň sary kart alan duşuşygynda “Altyn asyr” 2-nji ýarymda 4 gol geçirdi.
Olary 50-nji we 78-nji minutlarda Mihail Titow, 54-nji minutda Resul Hojaýew hem-de 87-nji minutda penaltiden Merdan Muhadow öz adyna ýazdyrdy.23-nji basgançaklarda barýan “Şagadam” bilen “Ahal” toparlary-da Mary welaýatyna wekilçilik edýän toparlardan üstün çykdy. “Şagadam” myhmançylykda “Energetigi” 31, “Ahal” öz meýdançasynda “Merwi” 10 hasabynda utdy. “Şagadamyň” gollaryny 1-nji minutda penaltiden Baýramgeldi Nurlyýew, 26-njy minutda Ata Geldiýew hem-de 47-nji minutda Kerim Hojaberdiýew derwezä girizdi. “Ahala” 3 utuk getiren ýeke-täk pökgini bolsa, 23-nji minutda Gurban Annaýew öz adyna ýazdyrdy.
Aşaky orunlarda barýan “Nebitçi” bilen “Aşgabat” toparlarynyň arasyndaky oýunda myhmanlar 21 hasabynda ýeňşini baýram etdi. Ýeňiş gazanan toparyň adyndan Boris Iwanow (8) hem-de Wekil Kadyrow (65), ýer eýeleriniň adyndan bolsa, Aşyrgeldi Ylýasow (54) tapawutlandy.