UEFA Çempionlar Ligasynda 2-nji saýlama tapgyryň jogap oýunlary oýnalyp, 3-nji saýlama tapgyra çykan toparlar belli boldy. Duşuşyklaryň käbirlerinde 8-9 gol geçirildi.
1-nji saýlama tapgyrda “Ferenswaroşy” ýaryşdan çykaran Farer adalarynyň çempiony “KI Klakswik” topary ýene bir garaşylmadyk netije gazanmagy başardy. Olar bu gezek Şwesiýanyň çempiony “BK Hakenden” üstün çykmagyň hötdesinden geldi. Golsuz geçen 1-nji oýnuň jogap duşuşygynyň esasy wagty 3-3 deňlikde tamamlandy. Penaltileriň netijesinde-de 4-3 öňe saýlanan “KI Klakswik” ýoluny dowam eder.
1-nji oýunda 6-2 utulan “”BATE Borisow” öz meýdançasynda-da “Aris Limassoldan” uly hasap bilen asgyn geldi. Kipriň çempiony BATE-ni 5-3 hasabynda ýeňlişe sezewar etdi. Türkiýäniň “Galatasaraý” kluby-da Litwanyň “Žalgiris” toparyny Dris Mertensiň ajaýyp goly bilen 1-0 hasabynda utdy.
9 goluň geçirilen oýnunda “Kopengagen” Islandiýanyň “Breidablik” toparyndan 6-3 üstün çykdy. Duşuşykda Oskarsson het-trik edip, toparynyň uly hasaply ýeňiş gazanmagyna saldamly goşant goşdy.
Gazagystanyň çempiony “Astana” “Dinama Zagrebden” öz meýdançasynda utulyp (2-0), ýaryşy Ýewropa Ligasyndan dowam etdirer.
Myhmançylykda 3-1 hasabynda ýeňiş gazanan “Panatinaikos” topary öz meýdançasynda “Dnepr-1” bilen Şporaryň geçiren gollary esasynda 2-2 deňme-deň oýnady.
“Genk” bilen “Serwetteniň” arasyndaky jogap duşuşygy-da deňlikde tamamlanyp (2-2), penaltileriň netijesinde şweýsarlaryň wekili 3-nji saýlama tapgyra çykmagy başardy.
2-nji saýlama tapgyryň jogap oýunlarynyň netijeleri:
“Galatasaraý” (Türkiýe) “Žalgiris” (Litwa): 1-0 (2-2), “Olimpiýa Lýublýana (Sloweniýa) “Ludogores Razgrad” (Bolgariýa): 2-1 (1-1), “Garabag (Azerbaýjan) “Rakuw Çenstohow” (Polşa): 1-1 (2-3), “BK Haken” (Şwesiýa) “KI Klakswik” (Farer adalary): 3-3, 3-4 p (0-0), “Molde” (Norwegiýa) “HJK Helsinki” (Finlýandiýa): 2-0 (0-1), “Kopengagen” (Daniýa) “Breidablik” (Islandiýa): 6-3 (2-0), “Makkabi Haýfa” (Ysraýyl) “Şerif” (Moldowa): 4-1 g.w. (0-1), “BATE Borisow” (Belarus) “Aris Limassol” (Kipr): 3-5 (2-6), “Slowan Bratislawa” (Slowakiýa) “Zrýinski Monstar” (Bosniýa): 2-2 (1-0), “Astana” (Gazagystan) “Dinamo Zagreb” (Horwatiýa): 0-2 (0-4), “Panatinaikos” (Gresiýa) “Dnepr-1” (Ukraina): 2-2 (3-1), “Genk” (Belgiýa) “Serwette” (Şweýsariýa): 2-2, 1-4 p (1-1)
3-nji saýlama tapgyryň duşuşyklary (8-9-njy, 15-nji awgust):
Çempion toparlar: “Rakuw Çenstohow” (Polşa) “Aris Limassol” (Kipr), “Slowan Bratislawa” (Slowakiýa) “Makkabi Haýfa” (Ysraýyl), “AEK Afiny” (Gresiýa) “Dinamo Zagreb” (Horwatiýa), “Olimpiýa Lýublýana (Sloweniýa) “Galatasaraý” (Türkiýe), “Kopengagen” (Daniýa) “Sparta Praga” (Çehiýa), “KI Klakswik” (Farer adalary) Molde” (Norwegiýa);
Çempion däl toparlar: “Braga” (Portugaliýa) TSS (Serbiýa), Reýnjers” (Şotlandiýa) “Serwette” (Şweýsariýa), “Panatinaikos” (Gresiýa) “Marsel” (Fransiýa), “PSW Eýndhowen” (Niderlandlar) “Şturm Gras” (Awstriýa)