Russiýanyň prezidenti Tähran bilen Moskwanyň arasyndaky "strategiki" hyzmatdaşlyk şertnamasynyň soňky tapgyrda durýandygyny we Eýran bilen Russiýanyň arasyndaky gatnaşyklaryň ähli pudaklarda ösýändigini aýtdy.
IRNA habar gullugynyň habaryna görä, Russiýanyň prezidenti Wladimir Putin penşenbe güni Özbegistanyň Samarkand şäherinde Şanhaý Hyzmatdaşlyk Guramasyna agza ýurtlaryň 22-nji sammitiniň çäginde Eýran Yslam Respublikasynyň prezidenti Seýid Ybraýym Raisi bilen bolan duşuşygynda Eýran bilen Russiýanyň arasyndaky gatnaşyklar ähli pudaklarda ösýär we ikitaraplaýyn gatnaşyklary täze derejä çykarjak boýunça ikitaraplaýyn hyzmatdaşlyk şertnamasynyň üstünde işlemek tamamlanyp barýar diýip nygtady.
Putin, Eýranyň Şanhaý Hyzmatdaşlyk Guramasyna doly agza bolmagy üçin zerur zatlaryň ediljekdigini aýtdy.
Russiýanyň prezidenti, şeýle hem Yslam rewolýusiýasynyň ýokary derejeli lideri Aýatolla Hameneýine minnetdarlyk bildirdi we goldawynyň Eýran bilen Russiýanyň arasynda köp bilelikdäki taslamalaryň durmuşa geçirilmegine sebäp bolandygyny aýtdy.
Putin Russiýa bilen Eýranyň arasyndaky söwdanyň geçen ýyl 81%, üstümizdäki ýylyň ilkinji 5 aýynda bolsa 30% ýokarlandygyny aýtmak bilen, Russiýadan 80 iri rus kompaniýasynyň wekilleri bilen delegasiýa geljek hepde Eýrana ugrajakdygyny aýtdy.