Russiýanyň Goranmak ministrliginiň metbugat geňeşçisi Igor Konaşenkow, Ukraina degişli 201 uçaryň, 130 dikuçaryň, 3 müň 525 tankyň we sowutly ulagyň hatardan çykarlandygyny aýtdy.
Konaşenkow, rus güýçleriniň Ukrainada 24-nji fewralda başlan söweşinde ýeten sepgidi hakynda beýannama berdi.
Rus güýçleriniň Ukrainadaky hüjümleriniň dowam edýändigini nygtan Konaşenkow, raketalar bilen Donesk sebitinde Udaçnoýe otly bekediniň golaýynda ABŞ-nyň we Ýewropa güýçleriniň gatnaşmagyndaky Ukrainaly milletçi güýçlere tabşyrlan ýaraglary we harby enjamy hatardan çykarandyklaryny aýtdy.
Konaşenkow, Lugansk sebitinde daşary ýurtly hakykyna tutma esgerleriň bolýan merkezi bilen birlikde Harkowda we Lugansk 2 raketany nyşana alandyklaryny we hatardan çykarandyklaryny belledi.
Rus howa güýçleriniň, Lugansk sebitinde Lisiçansk harby merkezi bilen Buk-My howa goranyş ulgamynyň aragatnaşyk bekedini nyşana alandyklaryny ýatladan Konaşenkow, harby birikmeler we ulaglar bilen birlikde jemi 63 meýdançany hatardan çykarandyklaryny belledi.
Konaşenkow, şol hüjümlerde 120-den gowrak ukrainaly esgeriň öldürlendigini, 2 tankyň, 7 gaubisanyn we 11 harby ulagyň hatardan çykarlandygyny belledi.
Konaşenkow, rus howa goranyş ulgamlary bilen bir günde ukrainaly 8 howa goranyş ulgamyny urup düşürendiklerini nygtady.
Russiýanyň Goranmak ministrliginiň metbugat geňeşçisi Igor Konaşenkow, şu günki güne çenli Ukraina degişli 201 uçary, 130 dikuçary, 1196 harby ulagy, 338 howa goranyş ulgamyny, 3 müň 525 tanky we sowutly ulagy, 515 raketany, 1933 gaubisany, 3 müň 583 harby ulagy hatardan çykararandyklaryny belledi.