Režissýory: Antuan Fukua; Keşplerde: Denzel Waşington, Pedro Paskal, Eşton Sanders, Bill Pullman, Melissa Leo, Sakina Jaffreý, Orson Bin; Prodýuserleri: Todd Blek, Jeýson Blumental, Denzel Waşington, Aleks Siskin, Stiw Tiş, Antuan Fukua, Meýz Neufeld, Toni Eldrij, Maýkl Sloan; Ssenariçi: Riçard Wenk; Kompozitory: Harri Gregson-Williams; Öndüriji: “Columbia Pictures”, “Escape Artists”, “Zhiv Productions”, “Mace Neufeld Productions”, “Picture Farm”; Paýlaýjy: “Sony Pictures Releasing”; Dowamlylygy: 121 minut; Görnüşi: triller, uruşly;Ýurdy: ABŞ; Dili: iňlisçe; Býujeti: 62 million $.
1980-nji ýyllaryň teleserialy esasynda ilkinjisi 2014-nji ýylda surata düşürilen “Sazlaýjy” filminiň 2-njisi hem ekranlarda peýda boldy.Bu gezegem kameranyň arka tarapyna Antuan Fukua geçip, baş keşpde-de oskarly ussat aktýor Denzel Waşington surata düşdi.
Riçard Wenkiň ssenarisi esasynda ekranlaşdyrylan filmiň surata düşüriliş işleri Massaçusetts ştatynda hem-de Türkiýäniň Stambul şäherinde alnyp baryldy. 121 minutlap dowam edýän filmde Denzel Waşingtona oskarly aktrisa Melissa Leo, Pedro Paskal, Eşton Sanders, Bill Pullman dagy hem ýoldaşlyk edýär. 62 million dollar çykdajy edilen kino ilkinji hepdesinde garaşylyşyndan pesräk girdeji toplady. Ýöne muňa garamazdan, Demirgazyk Amerikanyň prokatlarynda 1-nji ýeri eýeledi.1-nji filmde käbir meseleler boýunça ejir çekýänleriň dadyna ýetişen Robert MakKoll ýene-de şol işini dowam etdirýär.
Bidüzgünçilikleri öz usuly bilen düzetmäge synanyşýan MakKoll köne dosty Susan Plammeriň öldürilmeginden soň, ýene-de öňki ýoluna dolanmaly bolýar…