UEFA Çempionlar Ligasynda toparçadaky 5-nji duşuşyklar geçirildi.Oýnalan 16 oýunda 54 gol hasaba alynyp, duşuşyklaryň 4-sinde 6 gol derwezä girizildi. 2 oýun golsuz tamamlanyp, jemi 6 duşuşykda ýeňiş gazanan bolmady. 7 oýunda ýer eýeleri, 3 duşuşykda myhmanlar ýeňiş gazandy. 1/8 finala çykan klublaryň 12-si belli bolup, “Mançester Siti”, “Leipsig”, “Real Madrid”, “Real Sosiedad”, “Inter” klublarynyň hataryna “Arsenal”, PSW, “Atletiko Madrid”, “Lasio”, “Borussiýa Dortmund” hem-de “Barselona” toparlary goşuldy.
Tapgyr “kembekler” bilen ýatda galyp, 5 duşuşykda yzda barýan topar ýa ýeňiş gazandy, ýa-da deňme-deň oýnady.
“A” toparçadaky 2 duşuşyk hem deňlikde tamamlandy. Toparçadaky ýeňlişsiz ýörişini dowam etdirýärn “Bawariýa” öz meýdançasynda “Kopengageni” ýeňmek başartmady. Duşuşykda hasap açylmady.
6 goluň geçirilen oýnunda “Galatasaraý” bilen “Mançester Ýunaýted” 3-3 hasabynda deňme-deň oýnady.Duşuşykda myhmanlar 20 minut dolmanka Garnaço hem-de Bruno Fernandeşiň gollary bilen 2-0 öňe saýlandy. Ýer eýeleri şol gollaryň biriniň öwezini 1-nji ýarymda dolmagy başardy. 29-njy minutda uzak aralykdan jerime urgusyny uran Ziýeş aratapawudy 1 gola düşüridi. 2-nji ýarymda-da 3 gol geçirilip, 55-nji minutda MakTomineý aratapawudy täzeden 2 gola çykardy. Ýöne ruhdan düşmedik türkler 62-njy minutda Ziýeşiň ýene ýerime urgusyndan (bu gezek derwezeçi Onana hem gödek ýalňyşdy) hem-de onuň pasyndan soň 71-nji minutda Kerem Aktürkoglunyň ajaýyp goly bilen hasaby deňledi. “Bawariýanyň” 1-nji ýeri eýelän toparçasynda beýleki 3 klubuň hem 2-nji bolmak mümkinçiligi bar.