Azerbaýjanyň Lideri Ilham Aliýew ýurda sapar bilen gelen Gazagystanyň Prezidenti Kasym-Žomart Tokaýew bilen duşuşdy diýip, MIR 24 habar berdi.
Gazak Lideri Aliýewi golaýda geçen Prezident saýlawlarynda gazanan ýeňşi hem-de öňde duran BMG-niň Baku şäherinde geçjek 29-njy Howa maslahaty bilen gutlady. Ikiçäk gepleşikleriň barşynda iki ýurduň döwlet Baştutanlary söwda-ykdysady, üstaşyr-ulag, energetika we medeni-gumanitar gatnaşyklaryň meselelerini ara alyp maslahatlaşdylar.
Taraplar şeýle-de Gazagystanyň we Azerbaýjanyň ykdysady ösüşinde täze sepgitleri alamatlandyrjak maýa goýum taslamalaryny durmuşa geçirmegiň geljegine garadylar.
Tokaýew 11-nji martda Azerbaýjana döwlet sapary bilen bardy.