Türkiyäniň Radio we telewideniýe guramasy TRT tarapyndan gurnalýan "TRT World Forum 2023" "Bilelikde ösmek: Jogapkärçilikler, hereketler we çözgütler" temasy bilen şu gün we ertir Stambulda geçiriler.
TRT tarapyndan berilen beýanata görä şu günki güne çenli dünýäniň ençeme ýurdundan 8500-den gowrak myhmany we 651 çykyş eden adamy bir ýere jemlän TRT World Forum, şu ýyl dünýäniň tapawutly geografiýalaryndan akademikler, syýasatçylar, raýat jemgyýetçilik guramalarynyň agzalary, akyl merkezleriniň hünärmenleri, býurokrat we žurnalistlerden ybarat 153 aýry çykyş edýän adamyň gatnaşmagy bilen dünýäniň gün tertibine yşyk açar.
"Bilelikde ösmek: Jogapkärçilikler, hereketler we çözgütler" temasy bilen şu ýyl 7-nji gezek geçirilýän TRT World Forum 2023, global meseleleri gün tertibe getirmegi we çözgüt tekliplerini hödürlemegi maksat edinýär.
Forumyň açylyşynda Türkiyäniň Prezidenti Rejep Taýýip Erdogan çykyş eder.
Prezident Erdoganyň çykyşynda dünýäniň gün tertibi bilen bagly möhüm ýüzlenmeler bermegine garaşylýar.
Çärede Wise-prezident Jewdet Ýylmaz bilen käbir ministrleriň möhüm ugurlar boýunça beýanatlar bermegi göz öňünde tutulýar.
Çärede öň hatara çykan meseleleriň arasynda halkara howpsuzlyk, energetika we klimat, ykdysadyýet, tehnologiýa, emeli intellekt, media we döwlet ýaýlymy bilen syýasat bolar.
Çärede geçiriljek maslahatlarda bolsa "Türkiye Asyry görüşi: Ulgam esaslandyryjy bir aktýor hökmünde Türkiye", "Ysraýylyň Gaza uruşy: Ynsanperwer krizis we parahatçylyk tamalary", "Sanly döwürde ýaýlym: Kynçylyklar we mümkinçilikler" başda bolmak bilen ençeme mesele hünärmenler tarapyndan ara alynyp maslahatlaşylar.