1-nji martda, Ministrler kabinetiniň mejlisiniň dowamynda, ÝET boýunça wise-premýer Myratgeldi Meredow prezident Gurbanguly Berdimuhamedowa Kenar kärhanasynda benzin we dizel ýangyjyny saklamak hem-de Seýdiniň nebiti gaýtadan işleýän zawodynyň Kerki şäherindäki nebit ammarynda benzin saklamak üçin dürli ölçegli polat çelekleri we degişli enjamlary satyn almak plany barada hasabat berdi.
Ýatladýarys, fewralda, Türkmenistan nebit ibermek marşrutyny üýtgedenden soň, Hazar deňzi arkaly eksport edilýän türkmen nebitiniň iki esse azalandygy mälim boldy. Emma muňa garamazdan, nebit çykarmagyň derejesi öňki durkunda saklanyldy.
Şol wagt habar berlişine görä, Türkmenistan eýýäm ammarlaryny dolduryp, nebit öndürmegi azaltmak töwekgelliginiň öň ýanynda durdy.