Daşary ýurt raýatlary Türkmenistandan Russiýa amala aşyrylýan ýörite uçuşlara indi ozalkysy ýaly köp garaşmaly bolmaz. Bu barada Russiýanyň Türkmenistandaky ilçihanasynyň konsullyk bölümi Telegramdaky resmi kanalynda habar berdi.
Munuň sebäbi hökmünde ýörite uçuşlar üçin gelip gowuşýan ýüztutmalaryň sanynyň azalmagy görkezilýär. Şeýlelikde, daşary ýurt raýatlarynyň uçuş üçin garaşýan wagty 2,5 ― 3 aýa çenli azaldy.
Russiýanyň öz raýatlarynyň nobata garaşýan wagty bolsa ozalkylygyna galýar. Bu wagt 1,5 aýdan 2 aýa çenlidir.
Şeýle hem ilçihana diplomatlardan uçuşa taýýarlananda görkezilen senelere üns bermegi we içerki şahsy meselelerini öňünden çözmegi haýyş edýär.
Türkmenistan we Sibir awikompaniýalary arkaly ilçihana her aý 2-3 sany ýörite uçuşy guraýar.