“Nebitçi” “Şagadam” 2:1
Gollar: 38 (11 m.j.u.) Daýanç Orazgulyýew, 58 Döwran Berdiýew 69 Salim Umarow.
“Energetik” “Köpetdag” 0:2
Gollar: 3 Öwezbaý Muhammetberdiýew, 89 Myrat Amantaganow.
“Arkadag” “Merw” 2:1
Gollar: 6 Didar Durdyýew, 10 Arslanmyrat Amanow 49 Alibek Abdyrahmanow.
Duýduryşlar: 5 Mekan Saparow, 68 Yhlas Toýjanow 75 Ambýar Mahmudow, 85 Kemal Annamuhammedow.
“Ahal” “Altyn Asyr” 0:2
Gollar: 37 Wahyt Orazsähedow, 73 Myrat Annaýew.
Türkmenistanyň futbol boýunça milli çempionatynyň 2-nji tapgyry hem yzda galdy. Eýsem, bu tapgyr 31-nji gezek geçirilýän milli çempionatymyzyň taryhynda nähili aýratynlyklar bilen orun tutdy? Geliň, şol aýratynlyklara bilelikde göz aýlalyň!
― Paýtagtyň Aşgabat futbol toparynyň dynç alan tapgyrynda Nebitçi öz meýdanynda Şagadamy 2:1 hasabynda, Köpetdan myhmançylykda Energetigi 2:0 hasabynda, Arkadag futbol topary öz meýdanynda Marynyň Merwini 2:1, Altyn asyr bolsa myhmançylykda Ahaly 2:0 hasabynda ýeňdi;
― Şeýlelikde, tapgyrdaky dört duşuşygyň ikisi 2:1, galan ikisi hem 2:0 hasabynda tamamlandy. Täsin tarapy 2:1 hasaby bilen tamamlanan duşuşyklarda ýer eýeleri, 2:0 hasabynda tamamlananlarda bolsa myhmanlar ýeňiş gazandylar;
― 2-nji tapgyrda derwezelere 10 pökgi geçirildi. Şeýlelikde, çempionatyň ilkinji iki tapgyrynda geçirilen gollaryň sany 15-e çykdy;
― Köpetdagyň futbolçysy Myrat Amantaganow Ýokary liganyň şu möwsüminde 10-njy pökgini geçiren futbolçy hökmünde hasaba alyndy. Ol Mary şäherinde ýerli Energetik bilen bolan duşuşygyň 89-njy minudynda tapawutlandy;
― Tapgyrda Arkadag futbol topary öz taryhyndaky ilkinji resmi duşuşygyny geçirdi. Şeýle hem topar ilkinji ýeňşini gazandy;
― Hüjümçi Didar Durdyýew Arkadag futbol toparynyň resmi duşuşyklardaky ilkinji goluny geçirdi. Ol paýtagtyň Nusaý stadionynda Merw bilen geçirilen duşuşygyň 6-njy minudynda tapawutlandy;
― Tapgyrda Altyn asyr, Nebitçi we Arkadag futbol toparlary täze möwsümdäki ilkinji ýeňişlerini gazandylar;
― 2-nji tapgyrdan soň Köpetdag 6 utuk bilen ýaryş tertibiniň başyny çekýär. Ikinji we üçünji orunlardaky Altyn asyr bilen Nebitçide 4 utukdan bar. 3 utukly toparlardan Arkadag topary dördünji, Aşgabat bäşinji, Ahal bolsa altynjy orny eýeleýär. Yzda galan iki tapgyrdan soň üç topar ― Şagadam, Merw we Energetik heniz utuk gazanyp bilenok;
― Möwsümiň ilkinji iki tapgyryndan soň diňe Köpetdag, Arkadag we Aşgabat toparlary utuk ýitirip görenok. Galan toparlar, azyndan bir utuk ýitirdiler;
― Ilkinji iki tapgyrdan soň çempionatda jemi 15 futbolçy tapawutlandy. Olaryň hersi bir goldan geçirdiler;
― şahsy hasaplamalarymyz ýarym goragçy Myrat Annaýewiň Myrat Annaýew Altyn asyryň düzüminde Ýokary ligada geçiren gollarynyň sanyny 30-a tegeländigini görkezýär. Şeýlelikde, ol aragatnaşykçylar bilen milli çempionatda 2013-nji ýyldan bäri iň kän pökgi geçiren futbolçylaryň sanawynda altynjy orna göterildi. Myrat Annaýewiň 2-nji tapgyrda Ahal bilen geçirilen duşuşygyň 73-nji minudynda tapawutlanandygyny ýatladýarys.
― Türkmenistanyň futbol çempionatynyň 3-nji tapgyrynyň duşuşyklary 25-nji aprelde geçiriler. Olarda Merw Ahaly, Köpetdag Arkadag toparyny, Şagadam Energetigi, Aşgabat bolsa Nebitçini kabul eder. Tapgyrda Altyn asyr futbol topary dynç alar.