Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy, Döwletmämmet Azady adyndaky Arkadag şäher kitaphanasynyň bilelikde guramagynda Ülkäme toý bolup gelen ýazlarym ady bilen aýdym-sazly söhbetdeşlik geçirildi.
Söhbetdeşlikde halkymyzyň müňýyllyklaryň dowamynda döredip, nesilden-nesle geçirip gelýän däp-dessurlaryna, milli baýramlaryna sarpa goýulýanlygy, Nowruz baýramy gözel tebigatymyzyň täzelenişini alamatlandyrmak bilen bir hatarda, adamlaryň arasynda hoşniýetli goňşuçylyk we birek-birege hormat goýmak däplerini pugtalandyrýanlygy, şeýle-de halkymyzyň Milli bahar baýramyny Halkara Nowruz gününi ak öýler, bereketli gazanlar, ruhubelent aýdym-sazlar, hoşniýetli arzuw umytlar hem-de şatlyk-şowhun bilen giňden belleýänligi barada giňişleýin gürrüň berdiler.
Söhbetdeşligiň dowamynda Arkadag şäheriniň Şükür bagşy adyndaky sazçylyk mekdebiniň bagşy-sazandalarynyň şirin owazly aýdym-sazlaryna giň orun berildi.
Söhbetdeşligiň ahyrynda milli däp-dessurlarymyzy dünýä ýaýmakda uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri aýdyldy.