Bütindünýä Saglygy goraýyş guramasynyň hünärmenlerinden Peter Ben Embarek, Uhan şäherinde 2019-njy ýylyň dekabr aýynda ýüze çykan epidemiýanyň möçberiniň çak edilşinden has ulydygy baradaky subutnamalary ýygnandyklaryny habar berdi.
Täze görnüş koronawirus Kowid-19 epidemiýasynyň ýüze çykan ýeridigi pikir edilýän Hytaýyň Uhan şäherine baran Bütindünýä Saglygy goraýyş guramasynyň hünärmenlerinden Peter Ben Embarek, CNN telewideniýe kanalyna beren beýanatynda: "Wirusyň möçberi 2019-njy ýylyň dekabr aýynda Uhan şäherinde has ulydy, bu täze bir delil" diýip mälim etdi.
Embarek, 2019-njy ýylyň dekabr aýynda Uhan şäherinde anyklananlardan daşary ýene-de azyndan 1 müň adama ýokan bolup biljekdigini çak edýändiklerini aýan etdi. Embarek, sebitdäki epidemiýanyň çak edileninden has ulydygy barada täze subutnamalar ýygnandyklaryny beýan etdi.
Wekiliýetiň 2019-njy ýylyň 8-nji dekabrynda Uhanda Kowid-19-a ýolugan 2 adam bilen duşuşyk geçirendiklerini aýdan Peter Ben Embarek, Hytaýyň alymlarynyň Bütindünýä Saglygy goraýyş guramasynyň hünärmenlerine 174 waka nusgasyny hödürländiklerini habar berdi.