Russiýanyň Goranmak ministrliginiň metbugat geňeşçisi Igor Konaşenkow, Herson we Harkow şäherlerinde Ukrainanyň Howa güýçlerine degişli 3 sany Su-25 kysymly harby uçary urup düşürendiklerini aýtdy.
Igor Konaşenkow, rus goşunynyň 24-nji fewralda başladan hüjümleri hakynda maglumat berdi.
Ukrainadaky hüjümleriniň dowam edýändigini ýatladan Konaşenkow, Ukrainanyň ýaragly güýçleriniň İwano-Frankiwsk harby toparyna degişli ýaraglary we harby ulaglary hatardan çykarandyklaryny aýtdy.
Rus howa güýçleriniň, Krasniý portunda ýarag ammaryny nyşana alandygyny aýdan Konaşenkow, hüjümde 230 adamlyk ukrainaly milliýetçi güýjüň we 33 harby tehniki ulagyň hatardan çykarlandygyny belledi.
Rus howa goranyş ulgamlarynyň 1 günde Ukrainanyň howa güýçlerine degişli Herson şäherinde 2 we Harkow şäherinde hem 1 sany Su-25 kysymly harby uçary urup düşürendigini aýdan Konaşenkow, Ukraina degişli jemi 13 uçarmansyz howa ulagyny hem hatardan çykarandyklaryny ýatlatdy.
Russiýanyň Goranmak ministrliginiň metbugat geňeşçisi Igor Konaşenkow, “Şu günki güne çenli Ukraina degişli 177 uçar, 125 dikuçar, 990 sany uçarmansyz howa ulagy, 319 howa goranyş ulgamy, 3 müň 226 tank we sowutly ulag, 421 raketa bilen 3 müň 301 sany harby ulag hatardan çykaryldy”diýdi.