Harby goşunyň generaly To Lam Wýetnam Sosialistik Respublikasynyň täze Prezidenti saýlandy. Bu ugurdaky çözgüt Hanoýda Milli ýygnagyň 15-nji çagyrylyşynyň ýedinji mejlisinde kabul edildi. Bu barada TASS ýurduň kanun çykaryjy edarasynyň metbugat habarnamasyna salgylanyp, habar berdi.
Wýetnamyň dolandyryjy Kommunistik partiýasynyň Merkezi Komitetiniň Syýasy býurosynyň agzasy, 66 ýaşly To Lamyň iň ýokary döwlet wezipesine saýlanmagyny goldap, deputatlaryň 473-sinden 472-si ses berdi.
Milli ýygnak Wýetnamda häkimiýetiň iň ýokary edarasy bolup, onuň ýurduň ýolbaşçysyny wezipä bellemäge hem-de boşatmaga hukugy bar diýip, Belta.by ýazýar.