Türkiýede köpsanly adam pidalaryna getirip biljek täze ýer sarsgyny çaklanýar. Güýji 7,9 balla deň bolan ýer yranmasy ýurduň Mermer deňzi etrabyny basyp biler diýip, RIA Nowosti ýaponiýaly hünärmen Ýoşinori Moriwakä salgylanyp habar berýär.
Hünärmeniň sözlerine görä, bu gezek çaklanýan ýer sarsgynynyň pidalary şu ýylyň 6-njy fewralynda Kahramanmaraş ülkesinde bolan tebigy betbagtçylykdakydan 2-3 esse köp bolup biler.
Şol gezekki Asyryň heläkçiligi diýlip at berlen ýertitremesinde 50 müňden gowrak adam heläk boldy diýip, Belta.by ýazýar.